სკოლა „პეგასი“ მრავალწლიანი გამოცდილების მქონე კერძო საგანმანათლებლო სივრცეა, რომელიც მოსწავლეებს ხარისხიან განათლებასთან ერთად მეგობრულ, ოჯახურ და უსაფრთხო გარემოს სთავაზობს.

ჩვენთვის მნიშვნელოვანია, სკოლა იყოს ადგილი, სადაც ბავშვი თავს არა მხოლოდ დაცულად, არამედ კომფორტულად, თავისუფლად და მიღებულად გრძნობს. თბილი და უშუალო ურთიერთობა მოსწავლეებს, მასწავლებლებსა და სასკოლო საზოგადოებას შორის ქმნის გარემოს, სადაც ბავშვებს შეუძლიათ საკუთარი აზრის გამოხატვა, კითხვების დასმა, ინიციატივის გამოჩენა და საკუთარი შესაძლებლობების აღმოჩენა.

გვჯერა, რომ, როდესაც მოსწავლე სკოლაში თავს თავისუფლად და თავდაჯერებულად გრძნობს, სწავლაც უფრო საინტერესო და ბუნებრივი პროცესი ხდება. სწორედ ამიტომ, „პეგასში“ აკადემიური განვითარება მჭიდროდ არის დაკავშირებული ბავშვის ემოციურ კეთილდღეობასა და პიროვნულ განვითარებასთან.

სკოლა აერთიანებს I–XII კლასებს და სასწავლო პროცესში განსაკუთრებულ ყურადღებას უთმობს როგორც აკადემიური ცოდნის გაღრმავებას, ისე მოსწავლეთა პრაქტიკული, შემოქმედებითი, საკომუნიკაციო უნარებისა და კრიტიკული აზროვნების განვითარებას.

„პეგასში“ სასწავლო პროცესი ასევე მოიცავს მრავალფეროვან კლასგარეშე და შემოქმედებით აქტივობებს, რომლებიც მოსწავლეებს საკუთარი ინტერესებისა და შესაძლებლობების აღმოჩენისა და განვითარების საშუალებას აძლევს.

„პეგასი“ არის ადგილი, სადაც ბავშვი სწავლობს, ვითარდება, გამოხატავს საკუთარ თავს და ყოველდღიურად უფრო თავდაჯერებული ხდება.